Утре се празнуваат Светите бесребреници Козма и Дамјан:КАЖЕТЕ ЈА ОВАА МОЛИТВА ЗА ЗДРАВЈЕ НА СИТЕ БОЛНИ

Утре се празнуваат Светите бесребреници Козма и Дамјан:КАЖЕТЕ ЈА ОВАА МОЛИТВА ЗА ЗДРАВЈЕ НА СИТЕ БОЛНИ

Православните верници утре ги празнуваат Св. бесребреници Козма и Дамјан.

Во Црквата, бесребреници се нарекуваат оние светители, на кои Бог им дал голем дар да чудотворат, т.е. да лечат од секакви болести. Тоа го правеле пред сé со силата на Светиот Дух, иако имале и медицинско образование.

Свети Козма и Дамјан се многу познати во народот. Многу цркви им се посветени во Македонија, па и некои лекарски друштва го носат нивното име. Биле родум од Мала Азија.

Мајка им била христијанка и ги воспитала во Христовиот дух. Се упокоија во местото Фереман, а погребани се еден до друг. И по нивното напуштање на овој живот, тие продолжија да ги исцелуваат оние кои ги повикуваат во молитвите.

По народното верување утре не би требало да се работат тешки работи и да се излегува од дома без некоја поголема причина.

Христијаните на овој празник се посветуваат на молитва за болните и избегнуваат физичка работа.

МОЛИТВА КОН СВЕТИТЕ БЕССРЕБРЕНИЦИ КОЗМА И ДАМЈАН

Тешко страдам од мојата болест и доаѓам кај вас, свети чудотворци и целители, Кузмане и Дамјане, зашто вие сте проповедале дека душевната болест е потешка од која и да било немоќ и дека душата боледува поради гревовите, а кога душата е болна, тогаш и телото тешко боледува.

Знам дека болестите го чистат човекот од неговите гревови.

Ви се молам, свети чудотворци, помолете Го Господа да ми подари простување на моите согрешенија. Јас сум слаб и беспомошен, силите мои исчезнале во болеста и затоа молам да не паднам во очајание и да не загинам.

Побрзајте да ми помогнете, свети исцелители; ветувам дека, кога ќе оздравеам, ќе живеам во покајание и ќе го завршам мојот живот во мир.

Ви се молам, помолете Го Господа во судниот ден да застанам неосудено пред лицето на страшниот Судија на вселената, Кој ги познава тајните на човечките души. Нему да My e слава, и сега и секогаш, и во вековите на вековите.Амин.

Leave a Reply

Your email address will not be published. Required fields are marked *