МАНАСТИР ВО „НИЧИЈА ЗЕМЈА“ Девојка проодела преку ноќ, ЧУДА се случуваат пред очите на калуѓерките (ВИДЕО)

Манастирот Куманица многумина го нарекуваат српски Острог, а надалеку е познат по лековитите чуда што се случувале таму, но и по тоа што таму се молат неправославни.

Чести се полемиките дали и припаѓа на Србија или на Црна Гора, со оглед на тоа што се наоѓа на самата граница на овие две земји.Според една легенда, еден српски благородник, кој бегал од Турците, го оставил својот имот, кој бил богат, на своите кумови кои подоцна го изградиле манастирот Куманица.

Вториот е поврзан со свети Григориј, кој наводно го изградил ова светилиште кон крајот на 13 и почетокот на 14 век, а чии мошти почиваат во Куманица. Се верува дека бил српски просветител и архиепископ, но и дека припаѓал на лозата Немањиќ.Единствено што се знае е дека познатиот српски архитект Александар Дероко го направил првиот нацрт на црквата што ја нашол во урнатини во 1926 година, а по неколку години ја дополнил Ѓорѓе Бошковиќ, според кого црквата била изградена помеѓу 16. и 17 век.
Калуѓерките од овој манастир со години раскажуваат како луѓето доаѓаат кај нив на исцелување, а исцелувањето е секогаш сигурно.

Има неколку приказни, а започнале кога една девојка, која била неподвижна, преноќила во манастир, а следниот ден се шетала.Станува збор за млада муслиманка од Бијело Поље. Таа била парализирана, а роднините ја донеле на носилки. Најпрвин ноќта ја поминала на ѕидните урнатини на храмот, а утрото кога се разбудила тројца свештеници и прочитале молитва и ја помазале со осветено масло. После тоа, таа се крена на нозе.

Освен оваа приказна, има и една за овчарот Радет Љуиќ од Гранчарево, на кој му се слошило на шестгодишна возраст, кога пасел овци. Болеста била толку сериозна што лекарите единственото решение го виделе во ампутација на ногата.
Меѓутоа, мајка му преку соседите слушнала за чудотворниот манастир и решила да го однесе таму, каде што поминал неколку дена, а потоа целосно закрепнал. Следниот пат кога отишол на лекар на преглед, лекарите не можеле да поверуваат дека е сосема здрав.

Манастирот Куманица требало да биде урнат во времето кога се градела пругата Белград-Бар . Но, поради легендарните приказни за него и бунтот на верниците, православни и муслимани, тие не го допреа, па денес пругата поминува покрај него.