КРВНИОТ ТИП КАЖУВА МНОГУ ЗА ВАС: Додека на некои им е добро со ФИЗИЧКАТА АКТИВНОСТ, на други им се советува да избегнуваат КОФЕИН, АЛКОХОЛ И ЦИГАРИ

КРВНИОТ ТИП КАЖУВА МНОГУ ЗА ВАС: Додека на некои им е добро со ФИЗИЧКАТА АКТИВНОСТ, на други им се советува да избегнуваат КОФЕИН, АЛКОХОЛ И ЦИГАРИ

Нашата крвна група може да открие зошто постапуваме на одреден начин. Секој човек наследува крвна група – А, Б, АБ или О (која понатаму се издвојува како негативна и позитивна), а со помош на анализа на крвната група може да се направи психолошки профил на личноста.

Утврдено е и мислењето дека одредена крвна група може да не направи посклони кон смртоносни болести или да не заштити од нив, а исхраната со крвната група станува се попопуларна.
Крвна група А
Ако имате крвна група А, поседувате фантастични квалитети, според кецуеки-гата. Вие сте сериозни, креативни, паметни, резервирани, трпеливи и одговорни. Понекогаш сте малку тврдоглави и ретко дозволувате „работите да ви го скршат грбот“. Вие сте силна и стабилна личност.
Многу ви е тешко да ги изразите своите чувства и се плашите да им се препуштите. Ви недостига смелост и тоа прилично ве боли. Вие сте романтична душа. Во љубовта најкомпатибилни сте со луѓе кои имаат крвна група А и АБ.
Луѓето ве доживуваат како интензивна личност, а тоа може да биде поврзано со фактот дека луѓето со крвна група А имаат повисоки нивоа на кортизол, хормонот на стресот, кој тече низ нивните вени. На луѓето со крвна група А подобро би им одговарале физички активности како јога или таи чи наместо трчање или кревање тегови бидејќи ја намалуваат напнатоста и ризикот од срцеви заболувања.
Предност за луѓето со крвна група А – тие се помалку привлечни за комарците, покажа студијата на Институтот за технологија за контрола на штетници. Со нетрпение очекувате да заштедите пари што нема да морате да ги трошите на спреј против комарци!

Крвна група Б
Оваа крвна група се развила во жешките савани во Источна Африка, а потоа се проширила низ студената хималајска висорамнина до воинствените маси кои доминирале во регионот.
Ако имате крвна група Б, вие сте страсни, активни, креативни и силни. Вие сте практична личност и претпочитате да ги гледате работите, наместо да сонувате. Понекогаш сте малку импулсивни и неодговорни и тешко им простувате на луѓето. Прилагодливи сте и флексибилни. Имате авантуристички дух.
Зафатени сте со сегашниот момент и не се грижите премногу за она што допрва доаѓа, но штом ќе се заљубите, нема никој друг за вас. Во љубовта најкомпатибилни сте со луѓе кои имаат крвна група Б и АБ.
Рамнотежата е најважна за луѓето со крвна група Б. Ако одите од крајност до крајност, можете да го нарушите вашиот ритам на спиење, да го зголемите ризикот од депресија и отпорност на инсулин, според д-р. Питер Џеј Д’Адамо, натуропат и автор на книгата „4 крвни групи за 4 начини на исхрана“. Луѓето со крвна група Б треба да јадат зелен зеленчук и млечни производи со малку маснотии.

Крвна група АБ
Ако имате крвна група АБ, вие сте мирна, рационална и прилагодлива личност. Можете исто така да бидете критични и неодлучни. Некои луѓе дури мислат дека имате поделена личност. Понекогаш ви треба малку повеќе време за да прифатите некои работи.
Живеете според вашите чувства. Поради ова, понекогаш може да изгледате наивно. Можете да ја најдете вашата сродна душа во која било крвна група.
Една студија, објавена во списанието Neurology, покажа дека луѓето со крвна група АБ имаат 82 отсто поголем ризик од когнитивно опаѓање и се изложени на најголем ризик од губење на меморијата подоцна во животот. Ако имате крвна група АБ, важно е да водите здрав начин на живот.
Според студијата на Универзитетот Харвард, луѓето со крвна група АБ имаат 23 отсто поголем ризик од срцеви заболувања отколку луѓето со крвна група 0. Избегнувајте кофеин, алкохол и пушење. Луѓето со крвна група АБ имаат посилен имунолошки одговор на Helicobacter pylori, што го зголемува ризикот од рак на желудникот, вели епидемиологот Густаф Едгрен.

Крвна група 0
Ако имате крвна група 0, вие сте личност полна со самодоверба и оптимизам. Имате силна волја и високо развиена интуиција. Вие сте социјална личност и често сте во центарот на вниманието. Сепак, можете да бидете опседнати со себе. Можете исто така да бидете ладни и непредвидливи.
Во љубовта се однесувате како и во деловното: темелни сте и упорни, без комплекси, делувате отворено и самоуверено. Најкомпатибилни сте со луѓе кои имаат крвна група 0 и АБ.

Луѓето со крвна група 0 се многу отпорни на стрес, но кога стресот ги обзема, многу тешко се опуштаат, вели д-р Џинџер Наш во списанието „Персонализиран живот“. Затоа, луѓето со крвна група 0 бараат малку поинтензивно вежбање.