6 ПРОИЗВОДИ ШТО МОРА ДА ГИ УПОТРЕБИТЕ ВЕДНАШ: Нема рок на траење – или јадете ги или фрлете ги

6 ПРОИЗВОДИ ШТО МОРА ДА ГИ УПОТРЕБИТЕ ВЕДНАШ: Нема рок на траење – или јадете ги или фрлете ги
Одредена храна може да се јаде и по истекот на рокот, но има намирници кои бараат строго почитување на рокот.

Многу намирници може да се јадат откако ќе поминат роковите за употреба бидејќи овие датуми го одржуваат квалитетот на храната, а не нејзината безбедност. Сепак, постојат одредени намирници кои бараат строго почитување на рокот на употреба, како што се месото и одредени млечни производи.
Оваа храна најдобро е да се фрли веднаш по нејзиниот рок на траење :

Меки сирења
Траат од една до две недели , во зависност од видот на мекото сирење. Тие треба да се фрлат при првиот знак на расипување. Потврдите сирења како чедар или гауда имаат подолг рок на траење во фрижидер бидејќи бактериите и мувлата потешко продираат во нив. Меѓутоа, откако ќе се отворат, тврдите и обработени сирења траат околу три до четири недели.Помеките сирења како рикота, крем сирењето или козјото сирење се поподложни на бактерии и треба да се фрлаат на првиот знак на расипување или по истекот на рокот.
Правилото е дека колку е помеко сирењето , толку е пократок рокот на траење, така што за крем сирење рокот на траење е најмногу две недели, а за рикота една недела.

Храна во тегли
Месец или година, во зависност од храната, сепак треба да се фрлат доколку има промена на бојата или необичен мирис. Намазите и капките може да изгледаат како да траат вечно, но само затоа што се во стаклен сад во фрижидер не значи дека се имуни на бактерии.Кога ќе го отворите капакот, безбедноста на храната е загрозена и храната треба да се користи навреме.

Свежо месо
Водете се според датумот на истекување. Со свежото месо обично си имаш работа со рок на траење, според продавниците тоа значи дека може да го чуваат во продажба до тој датум и ти кажува дека треба веднаш да го искористиш или да го замрзнеш.Свежото месо е исто така загадено со салмонела или други бактерии. Имајќи го ова на ум, многу е важно месото да се готви на правилна температура за подобра одбрана од бактерии.

Мелено месо
Два дена по купувањето, ако не е замрзнато. Експертите предупредуваат дека меленото месо треба да се јаде или замрзне во рок од два дена по купувањето, без разлика дали е говедско, свинско, пилешко или некој друг вид.
Бидејќи се работи за мелено месо, бактериите кои биле присутни на површината може да се мешаат со него, зголемувајќи го ризикот од труење со храна или некоја друга болест.

Производи од сушено месо
Три до пет дена, исечената шунка или париската ќе трае само три до пет дена, според експертите, па затоа е важно да го купувате само она што ќе го јадете во тој период, освен ако не планирате да го замрзнете.
Претходно спакуваните сувомесни производи што се продаваат во херметички затворено пакување ќе траат две недели за разлика од свежо исечените сорти, но штом ќе се отворат имате ист рок на траење како да сте го исечкале сега.
Овој вид на храна е чувствителен на одреден вид бактерија наречена листерија , која може да се размножува во ладна средина, само затоа што е ладна не значи дека е целосно заштитена.
За жал, не можете да ги видите, мирисате или вкусите бактериите што можат да ве разболат. Но, ако ова месо е малку лигаво или испушта необичен мирис, тоа е добар знак дека треба да се отстрани.

Риба
Рибата можете да ја користите еден до два дена по купувањето. Рибата не е помалку подложна на бактерии од месото и треба да се консумира веднаш по купувањето. Во спротивно, доколку немате намера веднаш да го користите, ставете го во замрзнувач, каде што може да стои три месеци или подолго.