Тие не бараат многу труд од вас и што е најважно – тие се евтини.Откријте ги малите и евтини промени кои најбрзо ќе ја загреат просторијата и ќе ја одржат топла

Откријте ги малите и евтини промени кои најбрзо ќе ја загреат просторијата и ќе ја одржат топла

За време на студените денови, важно е собите во кои престојуваме да бидат топли и да останат такви што е можно подолго. Тоа можете да го постигнете земајќи ги предвид нашите следни предлози. Тие не бараат многу труд од вас и што е најважно – тие се евтини.

Алуминиумска фолија
За да не ја изгубите топлината од радијаторот, на задната страна ставете алуминиумска фолија. Ова ќе го пренасочи топлиот воздух кон центарот на собата.

Завеси
Наутро ширум отворете ги завесите и пуштете ја утринската светлина што е „заробена“ во прозорците во собата. Затворете ги завесите на сите прозорци пред да одите во кревет. Во повеќето домови, греењето е послабо во текот на ноќта, а завесите ќе спречат топлиот воздух да излегува низ прозорците. Завесите што ги користите во зима треба да бидат што е можно подебели. Тие ќе ја задржат топлината подолго.

Украсете ги ѕидовите
Поставувањето фотографии, огледала и слики на ѕидовите ќе спречи загуба на топлина. Дури и подебел постер може да создаде дополнителен слој на изолација, кој ја зголемува температурата во станот и на тој начин ги спречува студените ѕидови да го апсорбираат топол воздух.

Теписи
Теписите и ќебињата се многу корисни. Освен што се украсни елементи, тие го спречуваат собирањето на ладен воздух во просторијата. Доколку немате добра изолација на подот, дури десет проценти од топлиот воздух може да се апсорбира во студениот под. Теписите се одлични изолатори, а ќе ви ги загреат и стапалата.

Не ги загревајте просториите што не ги користите
Не ги загревајте ходниците и просториите што не ги користите. Исклучете ја топлината во нив и затворете ја вратата за да спречите непотребно губење на топлина.

Leave a Reply

Your email address will not be published. Required fields are marked *